Aktori dhe regjisori i njohur, Enver Petrovci, në një intervistë te realizuar së fundmi për emisionin “Voilà”, është shprehur se ka vendosur që të heqë dorë nga aktrimi në teatër. Aktori tregoi se karrierën do e mbyllë edhe me një rol të fundit, të cilin pritet ta luajë së shpejti. Sipas tij aktrimi në teatër do shumë forcë, prandaj do merret me gjëra të tjera, të cilat i përballon më lehtë.
“Të jesh aktor, do të thotë jesh edhe sportist, duhet të kesh forcë. Unë po e them që kam vendosur ta lë aktrimin; dua të luaj edhe një rol kryesor në teatër edhe mos të merrem më me teatër, si aktor. Në film dhe televizion PO, sepse është shumë më i lehtë fizikisht. Do të kaloj si regjisor, sigurisht edhe dramaturg”- u shpreh Enveri.
Enver Petrovci është ndër aktorët më të mirë të skenës shqiptare, i cili pjesën më të madhe të jetës ja ka kushtuar karrierës./revistawho.com
