Can Yaman, aktori i njohur për rolin në ‘Erkenci Kus’ ka bërë një ndërhyrje pak ditë para ardhjes së 2019-ës për të rregulluar shikimin. Prej kohësh vetë aktori ka bërë me dije se ka pasur probleme me shikimin. Ai zbuloi se do mbajë syze për disa javë, ndërsa së fundmi me anë të një postimi në ‘Twitter’ dërgoi një mesazh për të gjithë fansat.
“Kam bërë një ndërhyrje për të rregulluar shikimin pasi e kam pasur të turbullt prej kohësh. 3 ditë para vitit të ri bëra këtë ndërhyrje. Do shikoj edhe për pak kohë turbullt, por do bëhem mirë. Ju falënderoj të gjithëve për mesazhet dhe për shqetësimin që keni treguar për mua”,-shkruan Can. 29-vjeçari është përfolur shpesh për faktin që ka origjinë shqiptare. Ai po arrin shumë suksese me projektet kinematografike, por jo vetëm./revistawho.com
