Aktori i pashëm turk zbulon shijet e tij, ky është tipi i femrës që e tërheq

Aktori i serialit turk “Stina e qershive” që shfaqet nga paketa Tring në Shqipëri, Serkan Cayoglu është një nga djemtë më të pashëm të hapësirës së telenovelave. Gazeta Paloma ka sjellë një intervistë të tij dje, ku ndër të tjera 29-vjeçari i lindur në Gjermani, tregon edhe për tipin e femrave që i pëlqejnë.“Nga aspekti vizual nuk kam asnjë pritshmëri, por më pëlqejnë femrat me vetëbesim. Për mua një femër tërheqëse është një femër me vetëbesim dhe inteligjente. S’ka rëndësi nëse është apo jo bionde, me sy bojëqielli etj. Kur e takon një njeri, ose të pëlqen ose jo. Duhet të ketë një lloj energjie të brendshme për të vijuar me bisedën. E rëndësishme është të ndash jetën me dikë”, ka thënë ai.Aktori është kthyer në Turqi, në vendin e origjinës së familjes së tij, ku është bërë i njohur si aktor.