Nisma e Shërbimit Kombëtar të Rinisë dhe Ministrisë së Arsimit, Sportit dhe Rinisë, “Dhuro Kohë, Rrëmbe Buzëqeshje”, sot ka udhëtuar drejt qytetit të Kavajës në “Institutin e të Miturve”, duke u dhuruar nxwnwsve plot momente të veçanta.
I ftuari special i kësaj jave ishte aktori i mirënjohur i emisonit të humorit “Portokalli”, Rezart Veleshnja, i shoqëruar nga drejtoresha e SHKR-së, Lorena Haxhiu. Me batuta të shumta ata argëtuan fëmijët duke ju dhuruar disa momente të paharrueshme. Por sigurisht që pas batutave ata duhet të përqendroheshin tek misioni i tyre dhe nuk mund të mungonin këshillat drejtuar të rinjve. Të pranishmit treguan se pavarësisht kufizimit të lirisë të rinjtë, kanë në dorë të ndryshojnë për mirë jetën e tyre.
“Këtu mungojnë vetëm telefonat e zgjuar të epokës dixhitale, ndërsa vullneti për të mësuar, për të ushtruar pasionet individuale apo për ta ushqyer shpirtin me letërsi dhe ëndrra rinore janë absolutisht prezente”,- u shpreh Lorena, drejtoresha e Shërbimit Kombëtar për Rininë. /revistawho.com
