Aktori Erion Isai, pjesë e dyshes së famshme PS-LSI me Bes Kallakun në spektaklin “Portokalli”, do të bëhet baba së shpejti. “Presim vajzë dhe është emocion më vete”, tha ai për gazetën “Panorama”. Po kush është partnerja e regjisorit, që njihet tashmë si këshilltari personal i Bukrës së famshme, dhe këshilltari i Edi Ramës në mbledhjet e qeverisë së spektaklit të humorit? Ajo quhet Ajlin Petrela, është nga Tirana dhe punon prane Drejtorisë së Kulturës në Bashkinë e Tiranës. “Me Ajlin jemi njohur në Akademinë e Arteve të Bukura, pasi jemi diplomuar të dy për regji. Historia jonë nisi gjashtë vite më parë, që kur ishim studentë, dhe tashmë presim të bëhemi prindër për herë të parë”, tha Erioni për “Panorama”.
Aktori i “Portokallisë”: Së shpejti do të bëhem baba i një vajze
