Aktori Jared Leto publikoi një fotografi në llogarinë e tij në Instagram, ku shfaqet i karakterizuar si Joker, personazhi që do të interpretojë në filmin e tij të ri, Suicide Squad.
Në foto, fituesi i çmimit Oscar, shfaqet me flokë të gjelbër, dhe me një grim ngjyrë të bardhë që nxjerr në pah buzët e tij ngjyrë të kuqe.
”Ky është roli i jetës sime. Ka qenë një privilegj i madh që më kanë marrë në konsideratë për të luajtur këtë rol. Ka mjaft interpretime të tjera të mira, përgjatë këtyre viteve të personazhit, Joker. Ndihem shumë i nderuar që më kanë konsideruar mua për të vazhduar traditën. U jam mjaft mirënjohës që më kanë dhënë mundësinë”- ka thënë aktori në një intervistë për Deadline.
Drejtuar nga David Ayer dhe protagonizuar nga Will Smith, Margot Robbie, Jai Courtney, Karen Fukuhara, Jay Hernández dhe Jared Leto, filmi i superheronjve pritet të dal në kinema më 5 Gusht.
