Është larguar për në Amerikë pak kohë më parë dhe tani vjen edhe lajmi i rëndësishëm i karrierës. Genti Bejko do të interpretojë në filmin “Mother” me aktorë kryesorë të mirënjohurit Jennifer Lawrence dhe Javier Bardem, ku luan dhe Michelle Pfeiffer. Lajmin e ka zbuluar vetë Genti, i cili ka postuar linkun e filmit, ku përfshihet dhe emri i tij. “Upss I did it again. It’s coming! ☺Emri në listë. Dalëngadalë po vjen behari☺”, shkruan ai.
Faqja e njohur e filmave përmend në biografinë e Gentit, filmat “6 idiotët” dhe “Kushëriri”. Filmi përqendrohet në një çift, që iu vihet marrëdhënia në provë kur miq të paftuar u vijnë në shtëpi, duke iu prishur ekzistencën e qetë. Filmi është një triller-horror psikologjik me skenar dhe regji nga Darren Aronofsky. / revistaclass.al
