Aktori i njohur shqiptar Marko Caka është bërë pjesë e filmit “Bad Boys 3”. Ai do të luajë krahas aktorëve me famë botërore, ku në rolin kryesor është Will Smith.
Në një prononcim për “Telegrafin”, aktori me famë ndërkombëtare ka treguar se përzgjedhja e tij për këtë film është një ëndërr.
“Ishte ëndërr për mua të luaj pranë Will Smith, të cilit ia kam shprehur në takimin tim të parë dy vjet më parë, dhe që e ka pritur shumë mirë, aq më tepër kur mësoi se jam shqiptar”, u shpreh aktori.
Xhirimet për filmin do të nisin në janar të vitit 2019 dhe në vitin 2020 do të transmetohet në kinema.
Kujtojmë se Marko nuk është i vetmi që bashkëpunon me Will Smith. Edhe Era Istrefi punoi pranë tij për këngën e Botërori 2018./revistawho.com
