Aktori turk shkak i ndarjes së tyre? Flet njëherë e mire ish-partneri i Hande Erçel

Ndarja e aktores Hande Erçel nga këngëtari Murat Dalkiliç ka qenë shumë e komentuar ditët e fundit në media. Shkak i komenteve të shumta nuk ka qenë vetëm ndarja, por edhe lajmet se Hande i dha fund lidhjes disa vjeçare me Muratin për shkak të aktorit Kerem Bursin. Me këtë të fundit aktorja luan në një serial të ri dhe mes dyshes ka patur shumë kimi. Vetë Kerem e mohoi që këto lajme të ishin të vërteta duke u shprehur se puthjet mes tyre kanë ndodhur sepse kështu shkruhet në skenar dhe asgjë më shumë. Ndërkohë Hande kur u ndal së fundmi nga gazetaët dhe u pyet për Keremin, u largua papritur duke bërë të dyshohet se lajmet mund të kenë qenë të vërteta. Pas gjithë kësaj, ka reaguar më në fund edhe ish-partneri i Handes, Murati. Ai ishte i ftuar së fundmi në një emision ku u pyet nëse Kerem është bërë shkak për ndarjen e tyre. “Sigurisht që nuk ka të bëjë fare me të”-u përgjigj Murat duke i dhënë fund thashethemeve./revistawho.com