Dyshimet për një shtatzani të dytë të Natalie Portman u konfirmuan në festivalin e Venecias, pasi aktorja tregoi barkun e saj me anë të një fustani të bardhë.
Thashethenmet për këtë gjë filluan në fund të korrikut kur u publikuan disa foto të Portman me djalin e saj Aleph e ku i dukej një bark i dyshimtë. Më tej Portman nuk la asnjë dyshim mbi shtatzaninë e saj në festivalin e filmit.
Ky do të jetë fëmija i dytë për të, së bashku me balerinin dhe koreografin Benjamin Millepied me të cilin ka jetuar dy vjet në Paris, e madje kohët e fundit ata janë zhvendosur në Los Angeles.
