Ditën e sotme Kryetari i Bashkisë së Tiranës Erion Veliaj, publikoi në Instagramin e tij gjobëvëniet që janë kryer këtë paradite nga policia bashkiake. E ka rastisur që këto automjete të jenë të gjitha të bardha, ndaj lali Eri i ka kushtuar edhe një status humoristik. “Me të bardha, me të bardha veshur-o, zbukurar si yll i mëngjesit-o… Plako, është këngë për nuset, jo për makinën tate rras e plas kudo”, ka shkruar ai. Më poshtë kanë vërshuar komentet e atyre që e përgëzojnë punën e policisë e të tjerëve që kërkojnë të zgjidhet çështja e mungesës së vendparkimeve në kryeqytet. Në mesin e replikuesve është edhe aktorja bukuroshe Niada Saliasi. Ajo i ka kthyer Veliajt një përgjigje të gjatë, duke i shënuar në fund se pavarësisht problematikës, opinioni i saj për kryetarin është pozitiv. “Të flas së të dua”, e ka mbyllur komentin zonjusha Saliasi.
KOMENTI I PLOTE I NIADA SALIASIT
Më duket vetja si nusja dhe shtetrrethimi. Kjo është bërë problem për gjithë Tiranën, mesa shoh ka të bëjë me parkimin rezident. Nuk kanë çfarë bëjnë qytetarët kur projektligji lejon vetëm njërin nga familjarët të parkojë makinën në zonen e tij. PS: Po ndahet mami me babin në pleqëri vetëm për një vend parkimi. Nuk është faji qytetarit që janë dhëne leje ndërtimi pafund pa kushtet minimale, pa respektimin e distancave midis zonave, pa hapësira të gjelbërta, parkim etj. Nuk ka rëndësi për mua si qytetar, se kush e bëri Tiranën siç është, sepse une si individ kam kontribuar në çdo taksë që bashkia ka kërkuar dhe kërkon, e kërkoj që minimalisht, të më kthehet ky kontribut. Më falni por gjërat duhen thënë që të kemi mundësi t’i ndryshojmë. Si thonë të vjetrit: Të flas se të dua./ revistawho.com
