Eva Longoria është bërë shumë e njohur me rolin e saj në serialin “Shtëpiaket e dëshpëruara” dhe shumë shpejt ajo pret të bëhet nënë për herë të parë. Pavarësisht se është drejt fundit të shtatzënisë së saj, Eva, nuk i ka lënë pas angazhimet në aktrim. Shumë shpejt do të dalë në treg komedia ‘Overboard’ në të cilën Longoria ka një rol të rëndësishëm. Në premierën e këtij filmi aktorja i la të gjithë pa fjalë me paraqitjen e saj. Me barkun e rrumbullakosur dhe me një fustan të gjerë që i shkonte deri në fund të këmbëve, ajo dukej thjesht mahnitëse.
Pavarësisht se shumë shpejt Eva Longoria pret të lind ajo duket se ka shtuar shumë pak në peshë dhe madje në fytyrë nuk ka ndryshuar aspak. Përpara pak kohësh ajo ka treguar edhe gjininë e fëmijës. Aktorja pret të bëhet nënë e një djali dhe për këtë ndihet shumë e lumtur. /revistawho.com
