Emma Stone u bë e njohur në Hollywood me filmin ‘Easy A’ dhe që nga ai moment karriera e saj mori për mirë. Pavarësisht se ai është projekti kinematografik nga i cili e njohin të gjithë, Emma pranon se asnjëherë nuk e ka parë të gjithë filmin, por vetëm një sekuencë të tij.
Ajo shprehet se nuk ka aspak dëshirë ta shohë veten aty. “Kam shkuar një ditë në shtëpinë e një shoqeje dhe ata e vunë filmin për ta parë. Unë u detyrova të largohesha. Kush dreqin do ta shohë veten në ekran për aq shumë kohë?”,-u shpreh Stone. Ajo gjithashtu pranoi se e ka sforcuar shumë veten për të arritur sukses me personazhin që ka në film.
Aktorja luan në filmin ‘Easy A’ rolin protagonist të një vajze adoleshente e cila krijon reputacion të keq në shkollë pasi një gënjeshtër e vogël i del nga duart./revistawho.com
