Hilary Duff është nënë e dy fëmijëve dhe ajo provoi për herë të parë ndjesinë e të qenurit prind në moshën 24-vjeçare. E ftuar së fundmi në një emision “The Motherly Podcast”, aktorja ka treguar se kjo ka qenë një eksperiencë mjaft izoluese për të. “Ishte pak izoluese për mua në fillim, sepse në atë kohë nuk kisha asnjë mikeshë që kishte fëmijë. Megjithatë unë kam punuar për një kohë të gjatë dhe e ndjeva si një hap shumë natyral në jetë. Gjithmonë e dija se doja të bëhesha nënë dhe e dija se ky do të ishte prioriteti im numër 1 në jetë. Kështu nga një anë unë ndjehesha gati, por nga ana tjetër paksa e frikësuar”, është shprehur Hilary.
Ajo ka shtuar se vështirësinë më të madhe e pati gjatë shtatzënisë, por pas lindjes së djalit jeta i ndryshoi totalisht. Gjithashtu ajo tha se të qenurit nënë ka qenë eksperienca më shokuese dhe e bukur në të njëjtën kohë. Aktorja e njohur në 2016-tën i dha fund marrëdhënies së saj të parë me Comrie. Pas atij momenti Hilary solli në jetë një vajzë, Banks, si fryt i dashurisë së saj me Matthew Koma. /revistawho.com
