Aktorja e njohur meksikane Fernanda Castillo do të bëhet nënë për herë të parë. Lajmin e ëmbël e ka dhënë vetë aktorja me një postim në rrjete sociale, ku shfaqet krah bashkëshortit i cili e përqafon teksa mban në duar ekon e fëmijës. Fernanda duket shume e lumtur dhe e buzëqeshur teksa tregon barkun e rrumbullakosur, e veshur me fustan. “Ne të tre. Pafundësisht të lumtur”-shkroi aktorja krah fotos, ku mori urime të shumta nga kolegët e miqtë. Fernanda Castillo është e fejuar me aktorin Erik Hayser. Ky do të jetë fëmija i parë për çiftin të cilët janë bashkë prej shumë vitesh. Fernanda është e njohur për rolet e saj në serialet “Teresa” dhe “Dashuri dhe tekila”.
