Aktorja e njohur, Kristen Stewart, hoqi takat e saj si në shenjë proteste në ‘Festivalin e Filmit në Kanë’. Ajo eci gjatë gjithë tapetit të kuq këmbëzbathur dhe ky gjest tërhoqi vëmendjen e të gjithëve. Ky veprim u mendua se ishte në shenjë proteste ndaj kodit të veshjes të Festivalit.
Në vitin 2015-të u përfol se në Kanë po vendosej një politikë për t’u veshur vetëm me këpucë të larta. Gjithashtu në vitet 50-të një pjesë e madhe e femrave të cilat ishin veshur me të sheshta nuk pranoheshin të parakalonin në tapet të kuq dhe të bënin fotografi. Megjithatë drejtori i festivalit ka thënë se në fakt këto janë thjesht thashetheme. Kristen Stewart ka folur më parë për këtë kod veshje në një intervistë.
“Ka patjetër një kod të veçantë veshjesh, apo jo? Njerëzit mërziten me ty nëse nuk vesh taka ose diçka të tillë? Por unë them se nuk mund të pyesësh më njerëzit. Nëse nuk po u kërkon djemve të veshin taka apo fustan, nuk mund të ma kërkosh as mua. Edhe katër vite më parë, nuk më pyeti askush, thjesht më thanë duhet të veshesh një fustan. Po tani është ndryshe, nuk mund ta bësh më këtë gjë”, – ka thënë aktorja në një intervistë në vitin 2017. /revistawho.com
