Nicole Scherzinger ka thënë se nuk do ta pranojë rolin që i është ofruar për show-n televiziv “Dirty Dancing” për shkak të skenës ku ajo do të abortojë.
Gjyqtarja e “X Factor” që personifikon Pennyn në xhirimin e klasikut të viteve 80′ ku në vazhdimësi të ngjarjeve ajo papritur ngel shtatzënë dhe zgjedh për një abort të paligjshëm. “Ishte një gjë e çmendur, sepse babai im është një peshkop dhe familja ime është me të vërtetë shumë kundër abortit”, ka thënë Nicole për Daily Mail, transmeton Koha.net. “Kështu që unë nuk do e pranoj rolin, nuk dua të nxis abortin, sepse karakteri im në këtë show ka të bëjë me një abortim”, ka thënë Scherzinger.
“Unë po shpresoj se të tjerët mund të mësojnë nga unë dhe të kem një ndikim pozitiv. Nëna ime ngeli shtatzëne me mua, kur ajo ishte 17 vjeçe dhe më lindi kur ajo ishte 18. Prindërit e saj nuk do ta lInin kurrë atë të abortonte ndonëse kishte moshë të re”, tha ndër të tjera këngëtarja e famshme. “Dhe unë u linda, kështu që unë vetëm dua të inkurajoj të gjithë për të mbajtur fëmijët e tyre. Ndoshta mund të jem një zë, që mund të hedhë dritë mbi këtë temë pa qenë moralizuese”, përfundoi ajo.
