Kur ishte në një moshë fare të re, Vanessa Hudgens u bë shumë e famshme falë filmit për adoleshentë “High School Musical”. Që prej asaj kohe e deri më sot, ashtu si çdo personazh i njohur, ajo ka marrë vëmendjen e gjithë mediave dhe tani që është 30 vjeçe ka vendosur të flasë hapur në lidhje me jetën e saj. Së fundmi në një intervistë për “People” aktorja ka treguar se në moshën 27-vjeçare kaloi një krizë dhe ndjente se nuk ishte gati për statusin e ri që duhej të merrte në jetë.
“Më kujtohet se në moshën 27-vjeçare ishte momenti i parë kur isha ‘Oh unë nuk jam fëmijë. Nuk jam adoleshente. Jam e rritur dhe kam përgjegjësi. Nuk ja kisha idenë se kush isha, çfarë doja ose çfarë do bëja më pas”, ka thënë Vanessa. Më pas ajo ka shtuar se kjo krizë e ndihmoi shumë të zbulonte vetveten dhe se tani që është 30 vjeçe ndjehet shumë e lirshme. Ajo ka zbuluar se për të arritur këtu ku është sot, si fillim nisi të kujdesej për veten, shëndetin, lëkurën dhe trupin. Kujtojmë se Vanessa Hudgens ka qenë e lidhur për 8 vite me radhë me Austin Betler dhe është diskutuar shumë edhe për historinë e dashurisë me Zac Efron. /revistawho.com
