Aktorja e humorit, Delinda Disha, është ndër ato personazhe që nuk e ka problem të bëjë publike jetën private. Ajo ka publikuar shpesh foto me familjen e saj të vogël, djalin dhe bashkëshortin.
Delinda ka një lidhje shumë të ngushtë me të birin, Dasantinin, i cili ditën e sotme feston 2-vjetorin e lindjes. Për të uruar vogëlushin, Delinda ka kujtuar një nga momentet më bukura në jetën e saj. Ajo ka publikuar në ‘Instagram’ një fotografi nga dita e lindjes së djalit, në të cilën shihet Dasantini i porsalindur dhe Delinda me lot në sy nga emocionet. Përkrah fotografisë së veçantë, aktorja ka bërë dhe një urim shumë të ndjerë për të birin.
“Si sot dy vjet më parë erdhi në jetë bekimi jonë, Dasantini. Zoti të bekoftë shpirti im, unë bekoj Zotin për ty!”, – ka shkruar aktorja bashkangjitur fotos. Dy vitet pranë të birit kanë qenë më të bukurit për Delindën dhe këtë gjë ajo na i ka vërtetuar shpeshherë. /revistawho.com
