Aktorja Albana Perhati feston sot ditën e lindjes dhe në ditën speciale është surprizuar nga kolegët e saj të spektaklit ‘Portokalli’. Ka qenë vetë aktorja që ndau me të gjithë ndjekësit në ‘Instagram’ disa video nga surpriza. Emocionet duket se kanë qenë të mëdha, pasi Albana shfaqet e përlotur gjatë gjithë kohës. Krahas postimit të videos ajo shkruan edhe disa fjalë për kolegët e saj.
“Faleminderit familja ime e madhe ‘Portokalli’. Nuk do t’i harroj kurrë këto emocione. U rrita bashkë me ju gjithë këto vite. Jeni jeta ime, ju falenderoj pafund për çdo moment emocioni, dashurie, mësimi dhe tërheqje vëmendjeje që më keni dhuruar”,-u shpreh Albana.
Aktorja e humorit është pjesë e spektaklit të së dielës, prej shumë vitesh. Ajo është e njohur për disa role shumë të suksesshme. /revistawho.com
