Vite më parë, seriali “Unë, ti dhe Kasandra”, ka qenë ndër më të preferuarit për shkak të temës aktuale të asaj kohe që ajo trajtonte. E ftuar në ‘Soirèe’ mbrëmjen e djeshme, protagonistja e filmit, Anxhela Çikopano ka ndarë me publikun impaktin e filmit tek njerëzit, sipas saj. “Mbaj mend në atë kohë, prindërit e atij brezi nuk e shihnin serialin se thonin: ‘Aty çfarë nuk bëhet’. Në parkun ‘Rinia’ asokohe, kishte edhe të mira edhe të këqija. Çfarë u bë në Amerikë për dekada, në parkun ‘Rinia’ u bë për 2-3 vite: përdorim të substancave narkotike, dashuri, njohje etj”, u shpreh Anxhela. Aktorja gjithashtu zbuloi se shumica e njerëzve që e ndiqnin serialin, mendonin se ajo ishte njësoj dhe në jetën reale./revistawho.com
