Aktorja rrëfen takimin me Ronaldon: S’ishte gjë, vetëm pinte çaj

Aktorja e famshme angleze, Gemma Atkinson ka rrëfyer në media për takimin që kishte dikur me Cristiano Ronaldon. Gemma ishte njohur me yllin portugez në një televizion britanik dhe e kishte ftuar atë në shtëpi. “Ishte një djalosh joshës dhe i sjellshëm. Por ishte frikacak sepse gjatë kohës kur e ftova në shtëpinë time, ai vetëm pinte çaj të nxehtë dhe shikonte gara me kuaj”, ka thënë Gemma. Ky takim kishte ndodhur në vitin 2007, kur Ronaldo ishte futbollist i Manchester United. E pyetur nëse kishte më pas raporte me futbollistin, aktorja ka mohuar gjithçka. “Nuk e takova më asnjëherë. Dëgjova se ishte kapur me disa prostituta dhe kjo nuk më pëlqeu tek ai” ka sqaruar Gemma. (Indeksonline)