Zamira Kita ka qenë e ftuar pasditen e sotme në programin e pasdites ‘Ftesë në pesë’, bashkë me regjisoren e shfaqjes ‘8 Femrat’ që po vihet në skenë prej muajsh nga Korça në Tiranë. Pas suksesit në qytetin e dedikuar artit, komedia do luhet edhe në Tiranë për disa ditë. Gjatë bisedës Zamira ka folur për punën me koleget dhe ka rrëfyer se pavarësisht debateve apo konflikteve të vogla çdo gjë ka shkuar mirë. Por nuk harroi të përmendë punën me meshkuj ku pa hezituar u shpreh: “Nga puna me kolegët kam shkuar në shtëpi duke qarë. Ata mendojnë se dinë më shumë se ne, se janë më të aftë se ne dhe kujtojnë se kanë në dorë më shumë. Ky projekt me femra është për të treguar që ne ja dalim”,-e mbylli fjalën ajo.
Edhe njëherë tjetër është vënë theksi tek mungesa e barazisë gjinore në fusha të ndryshme. Duke marrë parasysh eksperiencën e gjatë në skenë të Zamirës, fjalët e saj kanë shumë vend dhe i përgjigjen një fenomeni real.
Komedia ‘8 Femrat’ do të luhet tek ‘arTurbina’ në datat 28 deri në 31 mars. /revistawho.com
