Zhdukja e aktores së njohur me origjinë shqiptare, Adea Shabani ka tronditur të gjithë opinionin publik. Pak ditë më parë u dyshua se ajo mund të ishte vrarë nga i dashuri i saj, Chris Spotz. Ky i fundit pasi ishte vënë në ndjekje të policisë vrau veten duke lënë pas një histori shumë të trishtueshme.
Por ditën e sotme policia e Kalifornias, beson se ka gjetur trupin e vrarë të aktores në një varr të cekët. Pas investigimeve ata dyshojnë se mund të jetë aktorja 25-vjeçare, por nuk mund të dalin në një konkluzion përfundimtar, për shkak të gjendjes së eshtrave. Megjithatë kjo gjë është konfirmuar edhe nga miqtë e Adeas. Ka qenë Adelina Tahiri ajo që me anë të një postimi në ‘Instagram’ ka shprehur ngushëllimet. “Përherë në zemrat tona. Pusho në paqe”, – ka shkruar Adelina. Megjithatë ende pritet një konfirmim zyrtar nga ana e policisë. /revistawho.com
