Aktorja turke flet për tatuazhin që i ka dedikuar bashkëshortit

Seriali “Dashuri e pafund” e ka bërë Neslihan Atagul, e njohur si Nihan në rol, një nga personazhet më të dashura në vendin tonë. Edhe në Turqi aktorja është shumë e pëlqyer dhe e ndjekur. Ajo është vazhdimisht në qendër të mediave jo vetëm për jetën e saj profesionale por edhe për atë private. Aktorja është e martuar me Kadir Dogulu, një tjetër aktror shumë i njohur në Turqi. Çifti ka interpretuar në krah të njëri-tjetrit në serialin “Mes dy dashurish”. Së fundmi, Neslihan realizoi një tatuazh kushtuar të dashurit të saj. Ajo shkoi gërmën K, gërma e parë e emrit Kadir. Aktorja ndau një foto të tatuazhit me të gjithë fansat e saj në Instagram. Mbrëmjen e djeshme çifti ka qenë në dasmën e motrës së Kadir. Gazetarët pritën deri në fund jashtë vendit ku organizohej ceremonia vetëm për t’i bërë disa pyetje aktores. Ndër të tjera, ata nuk nguruan ta pyesnin për tatuazhin e realizuar. “Nuk ishte shumë e dhimbshme. Askush nuk më detyroi ta bëja. Ishte diçka që unë e doja. Asnjëherë nuk pendohem për gjërat që tregojnë dashurinë që unë ndjej dhe nuk kam aspak frikë t’i tregoj ndjenjat e mia” – ka qënë përgjigja që aktorja i dha gazetarëve./Tring