Aktorja turke, Beren Saat është bërë shumë e njohur në Shqipëri me disa role të ndryshme. Së fundmi ajo ka pasur rolin e Sulltanesha Kosem në serialin që transmetohet në televizionin “Klan”. Por duket se në karrierën e saj si aktore Beren ka pasur edhe momente vështirësie.
Në një intervistë aktorja ka rrëfyer se për një skenë filmi i është dashur t’i drejtohet psikologut. Asaj i është dashur të xhirohej në një skenë ngacmimi seksual dhe duket se kjo ka ndikuar negativisht në psikologjinë e aktores. Beren ka thënë se për të ishte me të vërtetë diçka e tmerrshme dhe për dy ditë që kishte xhiruar atë skenë, kishte shkuar tek psikologu. Gjithashtu ajo ka shprehur hapur edhe mbështetjen e saj në lëvizjen ‘Me too’, për mbrojtjen e vajzave në ‘Hollywood’. /revistawho.com
