Aktorja zbulon skenat e filmit shqiptar: Shuplaka e Bujar Kapexhiut m’i bëri sytë xixa

Mbrëmja e djeshme në ‘Soiree’ në ‘Top Channel’ mblodhi disa personazhe shumë specialë. Në emision gjithashtu u shfaqën disa nga filmat më të dashur për publikun shqiptar, të cilat na kanë shoqëruar gjatë gjithë fëmijërisë. Bëhet fjalë për filmat e njohur, ‘Tomka dhe shokët e tij’, ‘Beni ecën vetë’, ‘Taulanti kërkon një motër’, ‘2 Herë Mat’, etj. Gjatë bisedës me protagonisten e këtij të fundit, Manjola Begolli, ajo ka zbuluar disa nga skenat më interesante. “Shuplaka që më ka dhënë Bujar Kapexhiu në Kinoprovë, se e bëja me Bujar Kapexhiun, m’i ka bërë sytë xixa e më thoshte qaj”, është shprehur aktorja. Më pas, Manjola ka treguar se gjatë skenave ku ajo duhej të qante, duke qenë se nuk e bënte dot në mënyrë natyrale, janë dashur ‘ndërhyrjet’ e aktorit./revistawho.com