Akullorja e zezë edhe pse tingëllon çuditshëm, është ëmbëlsira më e re që ka dalë këtë verë. Ajo është bërë mjaft e njohur sidomos në lagjen moderne të Manhattan, Lower East Side. Nëse mendoni se është e përbërë nga çokollata, gaboheni! Ajo në të vërtetë nuk ka aspak çokollatë, pasi është bërë nga hiri i arrës së kokosit, një përbërës ky i cili po përdoret gjithnjë e më shumë në kuzhinën moderne.
“Isha shumë i interesuar ta përdorja këtë përbërës, por nuk dija se si, është një qymyr druri që del pas djegies së lëvores të një arre kokosi të papjekur”, shpjegon krijuesi i akullores së zezë, Nick Morgenstern, i vetëdijshëm se ka krijuar shijen më të re të kësaj vere.
