Pas akuzave per dhunë nga Amber Heard, avokati i aktorit Johnny Depp ka kaluar në kundërsulm. Ai e ka cilësuar lëvizjen e Amber, një një tentavivë e dështuar për të tërhequr vëmendje tek vetja pas lajmit të divorcit. Sakaq ish-gruaja tjetër e artistit Vanessa Paradis dhe vajza e tyre Lily-Rose po japin mbështetje për Depp. “Im atë është njeriu më i ëmbël që njoh. Ka qenë i mrekullueshëm me mua dhe vëllain tim të vogël dhe kushdo që e njeh do të thoshte të njëjtën gjë”, ka shkruar në Instagram vajza e tij, krahas një fotoje me të atin nga vegjëlia. E njëjtja gjë dhe nga Vanessa Paradis: “Është babai i dy fëmijëve të mi, një njeri i ndjeshëm, i dashur. Besoj me gjithë zemër se këto akuza që i bëjnë janë të paqëna. Në gjithë këto vite, qysh kur e kam njohur, nuk ka qenë kurrë i dhunshëm karshi meje. Ajo për të cilën flitet nuk ka lidhje fare me atë çka kam jetuar unë për 14 vite të mrekullueshme”, është shprehur Paradise për TMZ.
