Akuzat për Ricky Martin nuk kanë të ndalur. Nipi i tij Dennis Yadiel Sanchez e ka akuzuar këngëtarin për abuzim. 21-vjeçari pretendon se ka patur një marrëdhënie me artistin për 7 muaj, ndërsa ndarjen Martin nuk e ka pritur mirë. Nga ana e tij, Ricky Martin i ka quajtur akuzat plotësisht të rreme.
“Ricky Martin nuk ka pasur kurrë asnjë lloj marrëdhënie seksuale apo romantike me nipin e tij. Fatkeqësisht, personi që e bëri këtë pretendim po lufton me sfida të thella të shëndetit mendor. Ricky Martin, natyrisht, nuk ka qenë kurrë – dhe nuk do të ishte kurrë – i përfshirë në asnjë lloj marrëdhënie seksuale ose romantike me nipin e tij. Ideja jo vetëm që është e pavërtetë, por është e neveritshme”, ka deklaruar avokati i këngëtarit. E gjithë çështja do të shqyrtohet më 21 korrik në Puerto Rico. Në rast se Ricky Martin shpallet fajtor, do të dënohet me 50 vjet burg. Kujtojmë se këngëtari është paditur më parë nga ish-menaxherja e tij për komisione të papaguara që shkojnë deri në 3 milionë dollarë.
