Mbrëmja e djeshme në Ferma VIP, Limi në një bisedë të drejtpërdrejtë me Albën, i dha fund lidhjes së tyre, duke i thënë qartë se nuk sheh më asgjë mes tyre. Reagimi i Albës ishte emocional, teksa ajo shpërtheu në lot, e prekur nga mënyra e ftohtë dhe e prerë me të cilën Limi e ndërpreu marrëdhënien.
Keisit dhe Andueli, të cilët ishin të pranishëm gjatë këtij momenti delikat reaguan me të qeshura dhe batuta, madje Keisi nuk e fshehu dot entuziazmin. Ajo u bashkua me pjesën tjetër të fermerëve dhe tregoi çfarë kishte ndodhur. Së bashku me Anduelin, ajo e përshkroi ndarjen si një situatë komike dhe nisi ta rrëfente me humor, duke qeshur dhe duke bërë shaka me pjesën tjetër të grupit.
“Një gjë e rëndësishme. Alba do bëjë drama. E mbylli me Limin, do vazhdojë me lojrat që ka bërë gjithmonë. Mos i jepni asnjë lloj vëmendje.”, porositi Keisi fermerët e tjerë.
