Ish-konkurrentja e edicionit të fundit të “Big Brother” Alba Çobaj, ka botuar sot në gazetën “Paloma” një mesazh të gjatë drejtuar artistit Gaz Paja, i njohur ndryshe nga publiku i gjerë edhe si “Nasi” i Portokallisë. Alba shprehet e zhgënjyer prej sjelljes së aktorit të cilin e kishte ftuar në emisioni e saj në “In Tv”, por nuk kishte marrë asnjë lloj përgjigjeje prej tij. Në rreshtat e saj Alba e BB8 e cilëson Gaz Pajën si arrogant e delirant. Mirëpo në të njëtin mesazh ajo shpreh dhe një adhurim të jashtëzakonshëm për talentin e tij gjithashtu, duke folur me superlativa për monologun “Legjenda e pianistit” që artisti ka vënë së fundmi në skenën e teatrit. “Kur unë të ftova në emisionin tim modest, ti nuk denjove as të më refuzoje. Unë jam rritur me frymën për t’i vlerësuar artistët për atë që japin në skenë, jo për arrogancën apo delirin që mund të tregojnë në jetën e përditshme. E megjithatë unë e përjetova thellësisht monologun tënd. Emocion Gaz, më dhe aq shumë emocion, saqë dashuria ime për artin i kaloi kufijtë e hatërmbetjes profesionale që mund të kisha me ty!”, ka shkruar ndër të tjera Alba.
