Alba e fiksuar pas djemve të Big Brother, afrohet me Anaidin

Pas ndarjes nga Diedoni dhe nisjes së një karriere televizive si prezantuese, Alba tani është një beqare e suksesshme. Sigurisht që ajo nuk ka hequr dorë nga argëtimi, e pse jo edhe njohjet e reja. Fotografi i “Panorama”, e ka kapur në shoqërinë e fituesit të “BB6”, Anaid Kaloti, gjatë inagurimit të “Divina Bar Restorant” në zonën e ishBllokut, ku ishin të pranishëm shumë personazhe VIP. Siç shkruan kjo gazetë, në këtë festë Alba dhe Anaidi shijuan banketin mbretëror të kulinarisë “Neranxi”, duke e shoqëruar me nga një gotë verë të bardhë. Dy ish-lojtarët e të njëjtit format televiziv, jo vetëm që biseduan privatisht, por edhe qeshnin me batutat e njëri-tjetrit, pasi dihet që të dy kanë sens humori. Kohët e fundit, edhe pse Anaidi ka preferuar të qëndrojë jashtë vëmendjes mediatike, është përfolur për lidhjen e tij mbi dyvjeçare me Oriolën, një studente e Kantos dhe blogere mode. Le të shohim se si do të vazhdojë miqësia e tij me Albën tani e tutje, e cila duket se përshtatet më mirë me djemtë e hedhur.