Ritransmetimi në Top Channel i koncertit të Alban Skënderajt, “Tingujt e ditarit tim” duket se ka frymëzuar edhe vjehrrin e tij, Agim Cani. Siç ka pohuar edhe vetë Albani në një intervistë, ka qenë i ati i Miriamit, ai që e ka pëlqyer atë që në fillim dhe e ka prezantuar me të bijën këngëtare. Fillimisht ai i lidhi bashkë për një bashkëpunim, por ata me kalimin e kohës, krijuan lidhje dashurie, ndërsa tani janë bërë prindër të një vajze, shkruan “Panorama”. Dhe mesa duket, vlerësimi që ai kishte atëherë për Albanin, ka mbetur po i njëjti, nëse i referohemi statusit që ka shkruar pas transmetimit të koncertit të Albanit në TCH. Përmes një postimi në faqen e tij të Facebook-ut, ai shkruan: “Ju përshendes me këtë këngë që e inçizova tani nga ky artist i madh… Këtu në Hiedelberg… live… flm Alban që të kemi!” Nga ana tjetër edhe Albani është shumë i hapur me deklarimet e dashurisë ndaj Miriamit. Së fundmi, i dedikoi asaj këngën “Engjëll”, si dhuratë pasi u bë nënë për herë të parë . në klip ai shfaqet duke udhëtuar me makinë dhe pasagjerja e tij në këtë rast është partnerja, Miriam Cani, e cila duket shumë e lumtur nga kjo bashkëjetesë.
