Alban Skënderaj prej kohësh i ka munguar rrjeteve sociale por ditën e djeshme ai ka bërë një postim në llogarinë e tij të “Facebook” duke ju treguar fansave atë çfarë ka përjetuar kohët e fundit. Këngëtari gjithashtu ka shtuar se do të rikthehet fuqishëm në tregun muzikor duke sjellë disa projekte të rëndësishme.
“Ndonjëherë duhet të përjetosh emocione përtej imagjinatës që të zbresësh me këmbë në tokë e të kuptosh se çfarë është me të vërtetë e rëndësishme në jetë. Kështu kanë qenë dhe për mua muajt e fundit. Ndjenja që të ndihmojnë të ribësh një renditje të prioriteve të tua. Midis tyre patjetër është dhe muzika. Më ka munguar kontakti me publikun, me fansat, por jo me Muzikën. Ajo ka qenë mikja ime më e mirë, ngushëllim në momente të vështira dhe frymëzim në momente lumturie”.
“Është koha të rikthehem, më i frymëzuar se kurrë. Për vete por edhe për të gjithë ata që presin gjithmonë me dëshirë diçka të re nga unë. Viti 2016 do të sjellë 5 këngët e mia të reja të shoqëruara me videoklipe. Gjithashtu, së shpejti do publikohet një projekt shumë i dashur dhe i rëndësishëm për mua. Koncerti Live Akustik “Tingujt e Ditarit Tim” i përmbledhur në një DVD/CD”.
“Faleminderit për dashurinë që keni treguar. Gjithashtu Ameli ju falenderon shumë për urimet”, mbyll postimin e tij artisti.
