Alban Skënderaj, zyrtarisht një prej antarëve të jurisë ‘The Voice of Albania 6’

Alban Skënderaj është zyrtarisht një prej trajnerëve të ‘The Voice of Albania 6’. Artisti u rikthye në majat e klasifikimeve këtë vit e realizoi disa prej koncerteve më të bukur të vitit. ‘Artisti Mashkull i Vitit’ në Top Awards, do të jetë ulur në karrigen e kuqe për të zbuluar zërin më të mirë të shqiptarëve. Alban Skënderaj, është një prej kantautorëve e kompozitorëve më të suksesshëm. Karriera muzikore e Skënderaj mori hov të menjëhershëm pas pjesëmarrjes së tij në ‘Top Fest 2’ nga ku doli dhe triumfues. Që nga ajo kohë, nuk ka rreshtur kurrë së bëri muzikë, duke fituar lavdi kudo që shkel. Mund të thuhet me plot gojë se Alban Skënderaj është një nga këngëtarët më të dashur të dekadës për publikun e gjerë, e kjo falë devotshmërisë së tij ndaj muzikës pa kompromise. Duke ardhur gjithmonë origjinal, Skënderaj ka lëvruar në disa zhanre muzikore. Numëron 3 albume, dhjetra këngë, si dhe disa bashkëpunime. Skënderaj është fitues i disa çmimeve prestigjoze muzikore. Koncerti recital “Tingujt e ditarit tim”, që konsiderohet një prej turneve më të mirëfilltë realizuar ndonjëherë në Shqipëri e Kosovë, festoi 10-vjetorin e karrierës së tij muzikore.