Shumë personazhe të njohur shqiptarë kanë mundur të parakalojnë në tapetin e kuq në Kanë së bashku me emrat më të njohur ndërkombëtarë. Së fundmi edhe Albana Osmani ju është bashkuar emrave të shqiptarëve që arritën të bëhen pjesë e këtij eventi të rëndësishëm kulturor. Moderatorja simpatike ka treguar se ftesën e ka marrë nga Rolando Lekaj, një biznesmen dhe model i njohur shqiptar, që vitin e kaluar tërhoqi vëmendjen e të gjithëve në Kanë me blerjen me shifra marramendëse. Albana kishte zgjedhur që në tapetin e kuq të vishte një fustan të punuar nga Tarik Ediz dhe me vete mbante një luledielli, që është simbol i fondacionit të saj, “You are a sunflower”.
https://www.instagram.com/p/Bx0H7EeFHwo/
Moderatorja shqiptare ka pozuar edhe përkrah modeles me famë ndërkombëtare, Adriana Lima.
Albana ka publikuar në ‘Instagram’ foton në të cilën shfaqet përkrah Adrianës dhe të dyja duken të buzëqeshura pranë njëra-tjetrës. Ashtu si të gjitha vajzat shqiptare që patën fatin të kalojnë në tapetin e kuq të Kanës, edhe Albana arriti të fitonte vëmendjen e të pranishmëve. /revistawho.com
