Bukuroshja e “Top Channel” e cila shfaqet në rolin e prezantueses por njëherësh është edhe piktore, së shpejti do të bëhet edhe aktore. Të ecësh me sukses në media nuk është e lehtë dhe me siguri edhe për Albanën ka pasur “bërryla”. Mirëpo në një intervistë për “Bluetooth” moderatorja tregon se të talentuarit mbeten në listën e të kërkuarve. “Sa herë kam ndjerë “berryla” kam guxuar të pyes çfarë domethënie ka kur bën këtë veprim?! Aty është edhe përgjigja. Në fund të talentuarit do të mbeten në listën e të kërkuarve. Ndaj besoj se sa kohë do të rrezatoj këtë gjë, do jem aty. Këto format çudibërëse i kam parë të zgjasin shumë pak. Pasi televizioni pasqyron qartazi kualitetin. Kështu koha mban e ruan fort ata që kanë “brumin”, ka thënë Albana Osmani.
