Albana Osmani ka dalluar për shumë vite si një nga figurat kryesore të ‘Top Channel’. Ajo vazhdon të jetë një gazetare e suksesshme në atë televizion, por nuk është më në rolin kryesor të moderatores. Tashmë ajo është në panelin e ‘Top Show Magazine’, sërish në rolin e një gazetareje. Ditën e sotme Albana e ka nisur ndryshe. Me anë të një postimi në ‘Instagram’, ajo u kthye pas, në kohën kur ka filluar gjithçka dhe ka shkruar disa fjalë dedikuar vetes.
“Kur para disa vitesh në programin ‘E Diell’ intervista ekskluzive niste me këtë sigël, që prej sekondit të parë e përgjatë gjithë intervistës e cila zhvillohej në një pishine ku me të ftuarit diskutonim për gjithçka të zhveshur, pra me rroba banjo. Mesa mbaj mend në veten time më duket se qe në Kupid e në vazhdim nuk kam qenë asnjëherë ‘prezantuesja normale/formale’. Jam argëtuar shumë dhe kur netët bëheshin ditë në post production në Piramidën tonë, ku unë si autore e disa programeve të prezantuara bëja dhe montazhin/post production me duart e mia. Në këtë pikë studimet e mia për pikturë me ndihmuan shumë në kreativitet dhe çdo detaj për të qenë siç më thoshte Tani: ‘Po Albana jemi si Mediaset’, dhe mësonte se si t’i mbuloja në montazh reklamat publike. Pasi vëmendja duhet të ishte tek protagonistët. Kështu thënë të gjitha këto për të dalë në një përfundim: Dashuroj punën time, jam krenare për arritjet e mia dhe ka shumë për të ardhur në vazhdim! Zemra po më gëzon! Dhe sigurisht lum ai që më merr për grua. Ju dua Albana”,-ka shkruar ajo krahas videos.
https://www.instagram.com/p/Bjb966zHz1k/?taken-by=albanaosmani1
Kujtojmë se përveçse nuk e lë pasionin për gazetari, Alban i është përkushtuar shumë fondacionit “Ti je një Luledielli”, që ka krijuar në ndihmë të fëmijëve të sëmurë./revistawho.com
