Pas shkëputjes nga ekrani Albana Osmani është angazhuar me shumë projekte të tjera, të cilat pritet që t’i zbulojë shumë shpejt me detaje për fansat e saj. Moderatorja e njohur, që me profesion është piktore, së fundmi ka marrë rolin e drejtueses artistike të markës franceze ‘Reine Ana’. Ditën e sotme Albana ka zbuluar se ka dizenjuar çantat e kësaj firme, të cilat do të dalin në shitje në shkurt të 2020 si një edicion i limituar. Osmani ka treguar se këto çanta janë tepër të rëndësishme për të, pasi ka punuar me kujdes për çdo detaj të tyre, madje edhe për fotografimin që po u bëhet për reklamim. Ajo ka publikuar në ‘Instagram’ një imazh nga studio e fotografisë dhe në të duket shumë e lumtur për këtë arritje të saj.
https://www.instagram.com/p/B6Dl0L7leGL/
“Të krijosh në çdo milimetër ‘Reine Ana’ brand dhe të jesh pjesë e çdo hapi në post produksion, qoftë dhe të gjërave më të vogla, për mua ka qenë dhe mbetet një kërkesë profesionale ndaj vetvetes mbi të gjitha. Shumë programe në televizion si ‘Kupid’, ‘Look’, ‘Waiting for Supermodel’, i kam bërë vetë montazhin, me duart e mia. Kënaqësia në fund ishte e jashtëzakonshme, gëzoja të çoja gjithçka në perfeksion. Çështja në mua është që kërkoj gjithmonë fijen e artë në mes të kashtës dhe nuk heq dorë deri sa e gjej! Shumë kush në fabula të tilla ruan këto momente si personale ‘nuk pse i tregon gjithë botës që ti je edhe këtu duke bërë asistencë në setin e fotografimit të çantave’. Çanta ‘high fashion’ mbi të gjitha të dizenjuara nga vetë ti si person Albana. Mendoj se nuk ka më bukur. Këtu në fakt jam duke vëzhguar me lupë çdo gjë dhe duke asistuar prej orësh në çdo detaj me kënaqësi. Janë ato momentet që njeriu thjesht jeton dhe ka kuptim puna dhe të punosh. Për mua është e pamundur të mos rrotulloj çdo rrip, çdo detaj, të mos mbaj frymën ndërsa shkrepen foto a thua se do i marr ajrin çantës. Dhe besoj çfarë do lloj objekti që do krijoja njësoj do e rrethoja me gjithë pikat mbi i të miat padyshim! Çantat kanë secila nga një personalitet të sajin. I kam krahasuar me 4 femrat më të bukura në histori. Duhet të prisni deri në shkurt 2020 për t’u takuar me to. Janë ‘limited edition’ për çdo dizanj janë vetëm 20 copë autentike në botë. ‘High fashion’ në çdo milimetër. Design by me, Made in Italy. Të bësh diçka të tillë në aspektin artistik për mua si piktore është lehtësisht dhe natyralisht një lundrim në botën time krijuese. Përveç kualitetit super të lartë, dizanjit bërë me shumë, shumë përkushtim, mbi të gjitha historia dhe ëndrra në energjinë e përcjellë në secilën prej katër dizanjeve ‘Reine Ana’ mendoj se do jenë një magnet për të gjithë”, ka shkruar Albana në postimin e saj. Osmani ka treguar shpesh se është mjaft e talentuar në pikturë dhe me siguri ajo do arrijë suksesin e duhur me këtë projekt kaq të veçantë. /revistawho.com
