Moderatorja Albana Osmani, prej kohësh njihet jo vetëm për aftësitë e saj si gazetare, por edhe për një nga nismat më të rëndësishme vullnetare në Shqipëri. Së bashku me një grup të rinjsh, bukuroshja e ekranit ka hapur fondacionin ‘Ti je një luledielli’. Shitja e blozave me logon përkatëse përkthehet në para që shkojnë në ndihmë të fëmijëve të sëmurë.
Para disa minutash Albana ka shkruar disa fjalë për të gjithë ata që e ndjekin në ‘Instagram’. Ndër të tjera ajo shkruan se nuk mund të publikojë kërkesat e shumta për ndihmë që i vijnë me mesazh. “Përveçse më dhemb zemra se jam njeri, është e papërballueshme për mua të bëj share vetëm gjëra të tilla, pasi ky është profil personal. Unë jam prej vitesh në krye të një kauze dhe punoj 12 orë nga 24 dhe kam harruar ç’është jeta normale. Mjaftueshëm njerëz kanë sens durimi me mua, kur publikoj për ‘Ti je një luledielli’. Kështu më mirëkuptoni! Ju lutem e kam të pamundur edhe unë dua t’i gëzohem diellit një ditë dhe nuk dua të trishtohem”, ka shkruar Albana./revistawho.com
