Mbrëmjen e së shtunës starton Kampionati Europian i Futbollit. Për herë të parë në Europian merr pjesë edhe kombëtarja shqiptare. Ndeshjet e kampionatit do të transmetohen në Shqipëri në platformën Digitalb. Ky vendim nuk i duket aspak i drejtë aktorit Albano Bogdo. Një prej protagonistëve të “Apartamentit 2XL” në Vizion Plus, mendon se shqiptarët kanë të drejtë t’i shohin këto ndeshje në televizonin publik, duke qenë se skuarda paguhet nga taksat e qytetarëve. “Epo kjo punë kështu… Mos të japë televizioni shtetëror, ndeshjet e skuadrës që i merr rrogat nga shteti… Turp kush e ka sajuar këtë kakë se po mban shumë erë. Skuadra kombëtare udhëton në Francë me lekë të nxjerra nga taksat tona, ndërsa ne nuk e shohim dot në tv”, ka shkruar Bogdo.
Albano Bogdo i hakërrehet TVSH-së: Turp që nuk jepni ndeshjet e kombëtares
