Shoqata Albano Carrisi ka mundësuar një koncert të ri të Albano Carrisi-t në Tiranë. Ai do të mbahet në Pallatin e Kongreseve, ndryshe nga cc’ishte parashikuar për t’u zhvilluar në sheshin Nënë Tereza.
Koncerti do të organizohet ditën e shtunë, ora 18.30 dhe do të jetë falas për publikun., shkruan “Class”.
“Ky njoftim vjen pasi më herët koncerti ishte lajmëruar për në sheshin Nënë Tereza, por për shkak të paqëndrueshmërisë së motit do të zhvillohet brenda, në Pallatin e Kongreseve. Hyrja është e lirë për të gjithë! Koncerti jepet për nder të Shenjtërimit të Nënë Terezës, krenarisë sonë kombëtare. Artisti mbërrin në Tiranë mëngjesin e kësaj të premteje (16 shtator), në Rinas në orën 9:00. Ndërsa në orën 12:00 ai do të pritet nga kryebashkiaku i Tiranës, Erion Veliaj”, shkruan shoqata “Albano Carrisi” për mediat.
Këngëtari është shumë i njohur në Itali dhe në botë dhe ky nuk është koncerti i tij i parë në Tiranë.
