Albëria dhe Veseli fitojnë “Dance with me”, “çifti simpatik” Stine e Roza në vend të dytë

Albëria dhe Veseli janë çifti triumfues i spektaklit të vallëzimit “Dance with me”, finalja e të cilit u mbajt të hënën në mbrëmje. Ata morën 31% të votave duke u shpalur kështu fitues. Këngëtarja Hadërgjonaj dhe fituesi i edicionit të fundit të “Big Brother” Vesel Kurtishaj, e mbylluan spektaklin me një Passo Doble, duke lënë në vend të dytë “çiftin simpatik” Stine e Roza. Mësohet se pas fitores i gjithë produksioni i Grabockës kanë shkuar të festojnë. Sigurisht që të shumtë ishin fansat që gëzuan për fitoren e Albëries dhe Veselit, por pati edhe të pakënaqur. Nuk munguan komentet sipas të cilëve fitorja është e pamerituar.