Me shumë sportivitet e ka marrë këngëtarja Albërie Hadërgjonaj, krizën në çift që po kalon e bija Anxhelina. Anxhelina prej vitesh ishte në një lidhje me Fatmir Hysenbelliun, djalin e biznesmenit të njohur Irfan Hysenbelli. Së fundmi dy të rinjtë u përfolën për ndarje, mirëpo këto ditë ata janë gjendur në të njëjtin vend, duke publikuar të dy video në rrjetin social “Snapchat”. Pra mund të jetë një rikthim. Asgjë nuk dihet ende dhe asgjë të sigurtë nuk jep as nëna e bukuroshes Anxhelinë. E ftuar në studion e “Oktapod” Albëria ka folur me shumë dashuri për Fatmirin ose Onin, siç i thërrasin ndryshe. Ajo ka lënë të nënkuptohet se jo çdo gjë ka marrë fund midis çiftit. Pyetjes së Turit a është apo jo singëll Anxhelina, këngëtarja i është përgjigjur duke qeshur: “Si të rinjtë, njëherë zihen njëherë grihen. Unë Onin, pra Fatmirin e kam shumë xhan. I thashë, mua nuk më intereson, e dua shumë se ata u rritën bashkë. Pak rëndësi kanë nëse funskionon apo jo. Kështu është kur janë larg. Anxhelina po merret me studimet, është larg. Ai është djalë i ri, bukurosh. Këto femrat e bukura i gjuajnë këto të bukurit e s’kanë faj. Por besoj është kalimtare. Janë shumë të rinj për të menduar për gjëra të mëdha”.
