Këngëtarja e dashur e publikut shqiptar, Albërije Hadërgjonaj i ka bërë gjithmonë për vete ndjekësit e saj me transparencën që ka shfaqur përpara kamerave. E pyetur nga Marina Vjollca mbrëmjen e kaluar në spektaklin ‘Klanifornia’ se me cilën këngë do ta bënte një mashkull për vete, artistja ka kënduar këngën ‘E dehur jam’, duke shtuar se ai duhet të ‘vuante’ si dreq.
Pas këtij momenti, Hadërgjonaj ka performuar këngën ‘Marova’ të Fifit, për të cilën ka zgjedhur dhe të shtojë diçka.
“Edhe një gjë, dua ta theksoj sepse jemi pas ‘Këngës Magjike’, unë padiskutim, Eneda Tarifa është artiste e mirëfilltë, e qau këngën e Florit, nuk po them, është absolutisht e merituar ajo që e ka marrë çmimin e parë, por Fifi ka një gjë që asnjë këngë tjetër e festivalit nuk e ka: shkëlqimin e të gjithë popullit kudo që do të dëgjojë muzikë, kështu që Fifi je e paparë. Bravo”, e mbylli fjalinë Albërije.
Pas këtij momenti këngëtarja ka performuar disa nga këngët më të dashura të publikut shqiptar nga repertori i saj si ‘Loçka jeme’ apo ‘Lozonjare’, të cilat janë duartrokitur nga të gjithë të pranishmit në sallë./revistawho.com
