Që prej vitit të shkuar, ne media ka qarkulluar herë pas here lajmi për një romancë midis Albi Nakos dhe balerinës së trupës së tij, Alba Hoxhës, ndonëse së fundmi u raportua se ata janë ndarë. I ftuar në emisionin e pasdites tek Rudina Magjistari, Albi tregoi se me Albën ka pasur gjithmonë një raport korrekt profesional dhe miqësor. Më pas ai shpjegoi dhe arsyen pse nuk ndiqen më me njëri-tjetrin në ‘Instagram’, që u bë edhe shkak për nisjen e aludimeve se ‘dyshja’ i dha fund marrëdhënies. “Ishte një pakt që e bëmë me Albën bashkë, që të mos ta ndiqnim më njëri-tjetrin sepse po i merrnim fansat nga njëri-tjetri”,- u shpreh Albi Nako me humor.
Nako u përgjigj gjithashtu dhe për lajmet e tjera të qarkulluara në rrjet se shkak për ndarjen ishte qëndrimi jo miratues i prindërve të tij. “M’u duk qesharake. Nuk diskutohet që për jetën time nuk mund të vendosin prindërit, unë jam i rritur”,- theksoi Albi gjatë intervistës në program. “Di të them që jemi miq dhe bashkëpunëtorë shumë të mirë dhe vazhdojmë po njësoj, pastaj për pjesën tjetër nuk dua ta shkëpus vëmendjen nga akademia”,- vazhdoi ai referuar projektit më të fundit që ka të bëjë me themelimin e një akademie kërcimi, e cila do të mbajë emrin e vetë koreografit ‘Albi Nako Dance Academy’./ revistawho.com
