Fansat e Rihanna-s prej kohësh janë duke pritur albumin e saj të 9-të. Vetë këngëtarja e ka konfirmuar se do të sjellë një album të ri në vitin 2019 pa dhënë asnjë detaj tjetër, por mesa duket, data e publikimit është pranë. Sipas ‘Us Weekly’, Rihanna sapo ka përfunduar së regjistruari albumin e saj, por gjërat nuk mbarojnë këtu. Fansat kanë zbuluar 2 këngë të reja të regjistruara në ‘BMI’ me titujt “Waist Line Down” dhe “Nah Left”, të kompozuara nga David Plummer. Ndërsa në faqen e kantautores Priscilla Renea, është regjistruar kënga me titullin “Break Up To Make Up”. Sipas fansave, albumi i ri do të quhet ‘R9’, por duke qenë se asgjë nuk është konfirmuar nga Rihanna, presim detaje të reja. Kujtojmë se këngëtarja i është dedikuar totalisht botës së biznesit dhe presim të sjellë koleksionet e reja për festën e ‘Shën Valentin-it’./revistawho.com
