Albumi “Lemonade” i Beyonce është i vjedhur?!

Kanë kaluar pak javë që nga lançimi i albumit vizual “Lemonade” të Beyonce i cili zgjat rreth një orë dhe është i ndarë në kapituj me nga 12 këngë. Së fundmi “Queen B” e ka gjetur veten nëpër salla gjyqësore pasi regjisori Matthew Fulks pretendon se ajo e ka vjedhur idenë e albumit nga filmi i tij quajtur “Palinoia” e vitit 2014. Burime për “TMZ” kanë treguar se Beyonce është ndjerë mjaft e irrituar duke theksuar faktin që albumi i saj flet për një femër afro-amerikane e cila përballet me faza të ndryshme shpritërore si pasojë e një tradhëtie nga mashkulli i saj. Përsa i përket filmit “Palinoia” qëndra e vëmendjes është bota e një mashkulli pas dështimit të një lidhjeje dashurore. Edhe pse tema e këtyre dy projekteve është disi e njëjte mënyra e trajtimit të saj vizualisht është e ndryshme, por kjo gjë duket se nuk do e ndalojë regjisorin Folks për t’a çuar këtë punë deri në fund.