Këtë verë aktiviteti i këngëtarëve ka qenë shumë i gjeshur, siç ndodh zakonisht në këtë sezon psuhimesh. Është bërë zakon tashmë që këngëtarët shkojnë aty ku është rinia, dhe lokalet e natës në plazhe janë plot me këngëtarë, të cilët janë momentalisht shumë të pëlqyer. Si fillim duhet thënë se një nga këngëtaret më të kërkuara aktualisht në tregun muzikor, Elvana Gjata, nuk ka marrë pjesë në asnjë koncert që në prill të këtij viti. Por të tjerët ama, kanë bërë namin. Alban Skënderaj ka preferuar të ketë në krah Xhensila Myrtezajn në një koncert në Ferizaj. Të dy këngëtarët janë shumë të talentuar dhe shumë të suksesshëm, por edhe të pashëm. Ndërkohë Xhensila ka shkuar gjithnjë në koncerte me të fejuarin e saj, Besin, i cili ka rolin e humoristit.
Capital T dhe Enca- Enca është në kulmin e suksesit të saj, një nga këngëtaret me më shumë koncerte, por dhe Capital T është në ditë shumë të mira. Momentalisht ka nxjerrë shumë këngë në treg, të cilat kanë rezultuar të suksesshme. Dy këngëtarët kanë qenë gjithashtu të ftuar në Ferizaj. Soni Malaj, Samanta Karavella dhe Gent Fatali janë bërë bashkë për të dhënë një koncert në Prishtinë.
Samanta dhe Genti kanë publikuar një këngë kohët e fundit, e cila ka rezultuar shumë e suksesshme, ndërkohë që Soni Malaj është një këngëtare karriere, e cila ka ditur gjithnjë të rrijë në majë, falë këngëve të bukura që ka sjellë. Bashkëpunimi i fundit me Genën ka rezultuar shumë i suksesshëm. Flori Mumajesi është parë në çdo koncert, kryesisht me meshkuj, këtë verë.
Falë dy bashkëpunimeve me Ledri Vulën, ai ka bërë disa koncerte me të, ndërsa u është rikthyer përsëri koncerteve me këngëtarët e studios së tij, siç është Klajdi Haruni. Ndërsa Besa, e cila sapo ka nxjerrë një këngë të re, ka dhënë koncert së bashku me reperin 2P2, me të cilin ka edhe disa bashkëpunime, që rezultuan të suksesshme. Ata kanë qenë bashkë në Durrës./ Panorama
